- Çfarë nënkuptohet me diskriminim?
Diskriminim është çdo dallim, përjashtim, kufizim ose dhënie përparësie që bazohet në një bazë diskriminuese, duke bërë ose duke mos bërë, që synon ose rezulton të parandalojë, kufizojë, njohë, gëzojë ose ushtrojë të drejtat dhe liritë e një personi ose grupi të caktuar në një bazë të barabartë me të tjerët. Kjo mbulon të gjitha format e diskriminimit, duke përfshirë çaktivizimin e rregullimit të duhur dhe pamundësimin e aksesit dhe disponueshmërisë së infrastrukturës, mallrave dhe shërbimeve.
- Cila është kompetenca e Komisionit për Parandalim dhe Mbrojtje nga Diskriminimi?
- Kompetencat e Komisionit:
- ndërmerr aktivitete për promovimin, mbrojtjen dhe parandalimin e barazisë, të drejtave të njeriut dhe mosdiskriminimit
- monitoron zbatimin e këtij ligji dhe jep mendime dhe rekomandime;
- promovon parimin e barazisë, të drejtën për mosdiskriminim dhe trajtimin e të gjitha formave të diskriminimit duke rritur ndërgjegjësimin, informimin dhe edukimin e publikut;
- kontribuon në përgatitjen dhe zbatimin e programeve dhe materialeve në fushën e arsimit formal dhe joformal;
- përgatit dhe publikon raporte të veçanta dhe tematike për çështje të caktuara në fushën e barazisë dhe mosdiskriminimit;
- jep rekomandime të përgjithshme për çështje të caktuara në fushën e barazisë dhe mosdiskriminimit dhe monitoron zbatimin e tyre;
- angazhohet për ratifikimin e marrëveshjeve ndërkombëtare dypalëshe ose shumëpalëshe në fushën e të drejtave të njeriut ose për aderimin e tyre dhe monitoron zbatimin e tyre;
- kontribuon në përgatitjen e raporteve që shteti është i detyruar t’ua dorëzojë organeve ndërkombëtare dhe rajonale të të drejtave të njeriut dhe kontribuon në zbatimin e rekomandimeve të tyre;
- promovon dhe propozon harmonizimin e legjislacionit, rregulloreve dhe praktikave kombëtare me instrumentet ndërkombëtare dhe rajonale të të drejtave të njeriut;
- inicon ndryshimin e rregulloreve për zbatimin dhe promovimin e mbrojtjes nga diskriminimi;
- jep mendime për projektligje të rëndësishme për parandalimin dhe mbrojtjen nga diskriminimi;
- vendos bashkëpunim me personat fizikë dhe juridikë, si dhe me shoqatat, fondacionet dhe partnerët socialë për arritjen e parimit të barazisë dhe promovimin e parandalimit dhe mbrojtjes nga diskriminimi;
- bashkëpunon me organet përkatëse kombëtare të vendeve të tjera, si dhe me organizatat ndërkombëtare dhe rajonale në fushën e mbrojtjes nga diskriminimi;
- vepron sipas ankesave, sjell mendime, rekomandime dhe konkluzione për raste të veçanta të diskriminimit;
- inicion procedurë për mbrojtje nga diskriminimi sipas detyrës zyrtare;
- i jep informacion të interesuarit për të drejtat dhe mundësitë e tij për fillimin e procedurës gjyqësore ose të procedurës tjetër për mbrojtje nga diskriminimi;
- monitoron zbatimin e opinioneve dhe rekomandimeve për raste të veçanta të diskriminimit deri në përmbushjen e rekomandimeve të dhëna nga Komisioni;
- inicion dhe paraqitet si bashkëbisedues në procedurat gjyqësore për mbrojtje nga diskriminimi;
- me kërkesë të palës ose me iniciativën e tij mund të paraqesë kërkesë në gjykatë për t’i mundësuar që të veprojë si mik i gjykatës (amicus curiae);
- e informon në çdo tremujor publikun për rastet e diskriminimit, në mënyrën e përcaktuar me akt të komisionit, inicion dhe paraqitet si bashkëbisedues në procedurat gjyqësore për mbrojtje nga diskriminimi
- ndan mendimiet, gjetjet dhe rekomandimet dhe i drejtohet publikut përmes çdo mediumi;
- Kush mund të aplikojë në Komisionin për Parandalim dhe Mbrojtje nga Diskriminimi?
Të gjithë personat fizikë dhe juridikë mund ti drejtohen Komisionit.
- Personat që konsiderojnë se kanë pësuar diskriminim mund të paraqesin ankesë pranë Komisionit.
- Një person që e konsideron veten të diskriminuar para Komisionit mund të përfaqësohet nga një shoqatë, fondacion ose sindikatë me pëlqim paraprak.
- Shoqatat, fondacionet, sindikatat ose organizatat dhe institucionet e tjera të shoqërisë civile, të cilat kanë interes të justifikuar në mbrojtjen e interesave të një grupi të caktuar ose në kuadër të veprimtarisë së tyre angazhohen në mbrojtje nga diskriminimi, mund të bëjnë ankesë, nëse bëjnë të mundur që veprimet e një personi të caktuar fizik ose juridik të diskriminojnë një numër të madh personash
- Si mund t’i drejtohem KPMD-së?
Procedura për paraqitjen e ankesës në Komisionin për Parandalim dhe Mbrojtje nga Diskriminimi është në linkun e mëposhtëm.