Врз основа на член 21 став 1 точка 22 од Законот за спречување и заштита од дискриминација („Службен весник на Република Северна Македонија“ бр. 258/20), а во врска со член 3 од Правилникот за формирање советодавни тела од експерти за одредени специфични прашања поврзани со промоција, спречување и заштита од дискриминација бр. 01-182/1 од 16.2.2023 година, Комисијата за спречување и заштита од дискриминација (во натамошниот текст: Комисијата) објавува
Ј А В Е Н П О В И К
за формирање на листи на експерти за стручна поддршка на Комисијата
- Комисијата за спречување и заштита од дискриминација согласно член 21 став 1 точка 23 од Законот за спречување и заштита од дискриминација, може да формира советодавни тела од експерти за одредени специфични прашања поврзани со унапредување, спречување и заштита од дискриминација, за кои има потреба од стручна поддршка.
- Советодавните тела согласно член 2 став 2 од Правилникот за формирање советодавни тела од експерти за одредени специфични прашања поврзани со промоција, спречување и заштита од дискриминација, се формираат како привремени (ad hoc) тела за стручна помош и поддршка при постапување по конкретен предмет или во случај кога Комисијата по сопствена иницијатива постапува по предмет за упатување на општа препорака во случај на дискриминација на поголем број лица.
- Листи на експерти кои можат да дадат стручна поддршка се формираат за следните области:
- работата и работните односи;
- образование, наука и спорт;
- социјална сигурност, вклучувајќи го и подрачјето на социјална заштита, пензиско
и инвалидско осигурување, здравствено осигурување и здравствена заштита; - правосудство и управа;
- домување;
- јавно информирање и медиуми;
- јавни услуги;
- политички партии, здруженија, фондации, синдикални или други организации
засновани на членство; - култура,
- право
- финансии и
- сите други области.
- Заинтересираните кандидати се пријавуваат на повикот електронски на info@kszd.mk со доставување на своја кратка биографија, мотивациско писмо и референци од кои може да се утврди полето на експертиза на пријавените кандидати.