![](https://kszd.mk/wp-content/uploads/2022/02/kszd-mcms1-1024x576.jpg)
Komisioni i parandalimit dhe mbrojtjes nga diskriminimi dhe Qendra Maqedonase për Bashkëpunim Ndërkombëtar nënshkruan Memorandum për bashkëpunim me të cilin deklarojnë interesin e të dyja palëve për të dhënë kontribut të përbashkët në forcimin e rolit të KPMD-së në respektimin e të drejtave të qytetarëve të cilët trajtohen në mënyrë të pabarabartë.
Bashkëpunimi ndërmjet KPMD-së dhe QMBN-së përfshin shkëmbimin e të dhënave, pjesëmarrjen në takime, seminare, trajnime, vizita studimore, tryeza të rrumbullakëta, konferenca, përgatitjen e raporteve dhe forma të tjera të bashkëpunimit që do të bien dakord ndërmjet palëve dhe do të dalin nga nevojat aktuale të projektit.
![](https://kszd.mk/wp-content/uploads/2022/02/kszd-mcms-1024x576.jpg)
Në kuadër të projektit “Komisioni Kundër Diskriminimit kryen rolin e tij parandalues dhe mbrojtës”i financuar nga Bashkimi Evropian, do të përgatitet një Barometër për të drejtat e njeriut dhe kundër diskriminimit.
Me nënshkrimin e këtij memorandumi për bashkëpunim, Komisioni i parandalimit dhe i mbrojtjes nga diskriminimi vazhdon bashkëpunimin me organizatat e shoqërisë civile në vend, pasi paraprakisht janë nënshkruar memorandume bashkëpunimi me FFM-në, Polio Plus, Shoqatën e Juristëve të Rinj të Maqedonisë dhe Institutin për të drejtat e njeriut. Përmes memorandumeve të bashkëpunimit, KPMD-ja zyrtarizoi edhe bashkëpunimin me Ambasadën Britanike, OSBE-në, si dhe Agjencinë për Mbrojtjen e të Dhënave Personale.